tāhuhu mātauranga māori
master of mātauranga māori
Nau mai ki tēnei tohu i whakatūria hei taumata whai i te mātauranga. Kia mahara ake tātou ki ngā whakahau a ngā tūpuna e mea nei, ko te rite o te ara whai i te mātauranga kei te pikinga a Tānenuiarangi rānei, a Tāwhaki rānei, i piki atu ai i ngā rangi-tūhāhā ki te tiki i ngā kete o te wānanga.
Kei te Tai Tokerau e rangona ana te kōrero e kīia nei ko ‘Te Ara Tāpokopoko a Tāwhaki’. Arā, he kupu whakarite nā Hone Sadler mō te āhua o te huarahi e riro ai i te tangata tōna mātauranga e mārama ai hoki ia ki ngā āhuatanga o tōna Ao. He uaua tēnei ara. Mā te manawaroa, mā te māia, mā te pūmau ki te huarahi tērā ara e taea ai. Nō reira, kei ngā tauira e whai ana i te mātauranga, kia rite tātou ki tērā tupuna, kia kaha, kia māia, kia manawanui! E whakaputaina ana tēnei wawata i runga i te whakaaro he taonga nui te mātauranga. I taonga ai, kāore nei he tīmatanga o te mātauranga, kāore hoki he mutunga. Nō te mea, e tū ana te mātauranga hei whakaahua, hei whakamārama hoki i te ao me ōna āhuatanga, nō te mea hoki, e tū ana te mātauranga hei tohu mō te ao, kei te ao anō te otinga atu o te mātauranga. E kore rawa e taea te kī, kua ngaro te mātauranga, nō mua rānei i tētahi tau te mātauranga e ora ana, kāore he ora i muri mai! Kao. Ko tā mātou whakatau, tukuna atu te mātauranga i poipoia e ngā tūpuna hei tūrangawaewae, hei whare e taea ai te whakawhānau mārire i te mātauranga hou.
Nō reira, koirā te whakaaro nui i te tohu mātauranga nei, arā, tukuna te mātauranga o mua kia moea ngā āhuatanga o ēnei rā kia tupu tonu ai te mātauranga. Kaua e waiho kia memeha, kia kōhatu, kia ngaro noa iho, engari, whakatupungia te rākau nei kia ora tonu ai.
Tēnā koutou e ngā tauira e wawata nei, e kaingākau nei ki ngā kai mānga a ngā tūpuna. Nau mai ki tēnei tohu i whakatūria hei taumata whai i te mātauranga. Ko te tūmanako, kei te tohu mātauranga nei tētehi huarahi e āta tupu ai te mātauranga, te māramatanga hoki o te iwi Māori. E whakahaerengia ana e Te Wānanga o Raukawa tēnei tohu mātauranga hei taumata whai i te mātauranga, otirā, kia taea e ngā tauira te āta rangahau i ngā āhuatanga o tēnei taonga.
** I roto i te reo Māori tēnei tohu. Ehara ngā akoranga reo me te iwi/hapū i tēnei tohu.
Code:
TMM
Credits:
240
Duration:
2 years
Level:
NZQA Level 9
Delivery:
Residential seminars, self directed learning
Location:
Mode:
Te Reo Māori
Next Intake:
19 Feb - 27 Oct 2024
Tuition Fees:
$6,780.83 (approximately)
TOTAL cost for full two year course.
Entry Requirements:
Minimum age of 17 years. Candidates must be able to show that they have the te reo Māori capacity, research skills and study discipline to successfully undertake postgraduate study in an immersion environment as this course is delivered in te reo Māori. Regular internet access, email address and computer, laptop, tablet or other suitable mobile device is required.
Curriculum
Marautanga
Year One
Year Two
After Graduation
Ka puta te ihu
- Kaiwhakaako - kura tuarua, whare wānanga
- Kaitohutohu - tikanga me te reo Māori
- Kaitohutohu tikanga ā-iwi
- Kairangahau
- Kaiwhakapāoho
- Kaiwhakahaere ki ngā rōpū tuku iho
- Reo revitalisation
why te wānanga o raukawa
Distinctively Māori
Te Wānanga o Raukawa is a unique centre for higher learning and development, dedicated to the dissemination of Māori knowledge.
Higher Level Māori Learning
With a strong wish to see Māori achieving at the highest levels of education, Te Wānanga o Raukawa has positioned itself to cater specifically to higher level undergraduate, graduate and post graduate Māori students.
Pioneering Māori Education
Te Wānanga o Raukawa was established in 1981 as the first contemporary wānanga of Aotearoa, pioneering the application of kaupapa, tikanga, kawa to the advancement of Māori within a contemporary education context.