Ngāti Raukawa, Ngāti Huia, Ngāti Awa, Ngāti Whakaue 

Tokorua ngā tauira i puta tuatahi ai te ihu i Te Wānanga o Raukawa. Ko Huia tētehi. Kua roa ia e manaaki ana i ngā kaupapa o tō tātou wānanga. Nā kona, e hia tauira kua manaakihia i roto i ngā tau. He wairua ngahau, he tangata marae, he kaipupuru i ngā taonga whakaheke i ōna pakeke, i ōna kaumātua. He koro, he pāpā e aroha nuitia ana e āna tamariki, mokopuna hoki.