tāhuhu mātauranga māori
master of mātauranga māori
Ko te tūmanako, kei te tohu mātauranga nei tētahi huarahi e āta tupu ai te mātauranga, te māramatanga hoki o te iwi Māori. Ehara i te mea kei konei ngā māramatanga katoa mō te kaupapa nei, heoi, he wāhi, he tāmata tēnei i whakatakotongia ai e Te Wānanga o Raukawa, e taea ai te whakawhitiwhiti whakaaro, te wānanga hoki i ngā take nui o te mātauranga.
Ko tā mātou whakatau, tukuna atu te mātauranga i poipoia e ngā tūpuna hei tūrangawaewae, hei whare e taea ai te whakawhānau mārire i te mātauranga hou. Nō reira, koirā te whakaaro nui i te tohu mātauranga nei, arā, tukuna te mātauranga o mua kia moea ngā āhuatanga o ēnei rā kia tupu tonu ai te mātauranga. Kaua e waiho kia memeha, kia kōhatu, kia ngaro noa iho, engari, whakatupungia te rākau nei kia ora tonu ai.
Tuatahi, e puare ana tēnei taumata hei whai mā te tangata e mōhio ana ki te kōrero i te reo Māori. Heoi, kia ātaahua tonu tāna kōrero i te reo Māori. I pēnei ai te tikanga nā te mea ko te reo Māori te reo kōrero o ngā wānanga, koia hoki te reo tuhituhi o tēnei tohu mātauranga. Me mōhio hoki te tangata ki ngā tikanga o te tuhituhi me te kōrero i te reo Māori.
Tuarua, me kaingākau hoki te tangata ki te ako i ngā āhuatanga o te mātauranga. Me ihi, me wehi, me ohooho te ngākau ki te whai i te mātauranga, e kore hoki e taea mā te ngoikore, mā te māngere. Tōna whakataukī e mea ana, ‘Ko te hīringa i kake ai a Tāne ki Te Toi-o-ngā-rangi, ko te hīringa i te mahara.’
Tuatoru, me āta wātea anō hoki te tangata i ōna mahi. Nō te mea, ka nui ngā haora ka whakapaungia ki te kaupapa nei, kia taea anō e te tangata te haere ki ngā hui, te tuhituhi hoki i ngā tuhinga.
Tuawhā, me mōhio anō te tangata ki tōna iwi, ki tōna hapū, ki tōna whānau.
Tuarima, kia mau noa i te tauira tētahi tohu mātauranga e whai pānga ana ki te mātauranga e tirohia ana i tēnei tohu.
Ehara i te mea mā te whiwhi tohu e whakaaetia noatia ai te tauira kia uru mai. Mā te whakaae rawa a te Kaiwhakahaere.
He Kupu mō te hunga kāore anō kia whiwhi i te tohu mātauranga
Mehemea kāore nei ō tohu mātauranga i whakawhiwhia e ngā whare wānanga Māori rānei, Pākehā rānei, ka taea tonutia te tono kia uru mai mehemea kei a koe tonu te reo Māori, e mātau ana hoki koe ki te tuhituhi i te reo Māori, e hikohiko ana tō ngākau kia tupu tonu tō mōhio ki ngā āhuatanga o te wānanga me te rangahau. Mehemea e pērā ana koe, tuhia mai anō he karere, ā, me whai tonu i ngā tikanga i runga nei, ka whakatakotongia ai tō tono kia uru mai. Heoi, kei te Kaiwhakahaere tonu te kupu whakamutunga mō te urunga mai.
Code:
TMM
Credits:
240
Duration:
2 years
Level:
NZQA Level 9
Delivery:
Residential seminars, self directed learning
Location:
Mode:
Te Reo Māori
Next Intake:
16 Feb - 25 Oct 2026
Tuition Fees:
Year 1: $4,190.60 (approximately)
Year 2: $4,067.10 (approximately)
TOTAL: $8,257.70 (2 years)
Entry Requirements:
Minimum age of 20 years. Candidates must be able to show that they have the te reo Māori capacity, research skills and study discipline to successfully undertake postgraduate study in an immersion environment as this course is delivered in te reo Māori. Regular internet access, email address and computer, laptop, tablet or other suitable mobile device is required.
Ngā Tikanga o te Uru:
Kia 20 tau neke atu te pakeke o te kaitono.
Mā te whakaae ka uru ai te tangata ki tēnei tohu. Nō reira, ki te hiahia koe kia uru koe ki tēnei tohu, ka tonoa koe he tono whakauru, rua mano kupu te roa o taua tuhinga. Kei te puka tono kitea ai te roanga ake o ngā whakamāramatanga.
E rua tau te roa o tēnei tohu paerua.
Curriculum
Marautanga
Year One
Year Two
After Graduation
Ka puta te ihu
- Kaiwhakaako - kura tuarua, whare wānanga
- Kaitohutohu - tikanga me te reo Māori
- Kaitohutohu tikanga ā-iwi
- Kairangahau
- Kaiwhakapāoho
- Kaiwhakahaere ki ngā rōpū tuku iho
- Reo revitalisation
why te wānanga o raukawa
Distinctively Māori
Te Wānanga o Raukawa is a unique centre for higher learning and development, dedicated to the dissemination of Māori knowledge.
Higher Level Māori Learning
With a strong wish to see Māori achieving at the highest levels of education, Te Wānanga o Raukawa has positioned itself to cater specifically to higher level undergraduate, graduate and post graduate Māori students.
Pioneering Māori Education
Te Wānanga o Raukawa was established in 1981 as the first contemporary wānanga of Aotearoa, pioneering the application of kaupapa, tikanga, kawa to the advancement of Māori within a contemporary education context.
