Ngā Whiwhinga: 60 credits – Kia Oti Tōmua: – Karekau

TE WHĀINGA MATUA

Ko te whakapakari i te mārama o te ākonga ki ngā whakatakoto me ngā tini tāwara o te reo Māori, mā te tātari arohaehae i ngā kōrero tawhito me ngā kōrero o ēnei rā. Ka tautohu, ka whakamārama, ka whakamahi anō hoki te ākonga i ngā hanga katoa o te reo – whakatakoto mai, kīanga mai, kupu mai, aha mai – e matatau ake ai ia ki te kōrero, ki te tuhi. Mā te akoranga nei e āwhina te ākonga ki te hāpai i ngā mahi whakaora, whakawhanake i te reo Māori, otirā ki te tautoko i te tū pakari, i te tōnui, i te tū Māori anō hoki o te iwi Māori.