Ngāti Tūkorehe, Ngāti Raukawa, Ngāti Maniapoto 

He wahine marae, he reo karanga mō ōna hapū, he korokoro tūī, he wahine titikaha. He kaiako i ōna wā ki ngā kura o te rohe whānui o te Kotahitanga, ā, ko ia tonu tērā e tautoko ana i ngā tauira Māori ki ngā kura puta noa i Aotearoa. Ahakoa te nui o ōna kawenga mō ngā tamariki, mō ōna marae, hapū hoki, ko te kaupapa e tino kukume nei i tōna ngākau, ko te noho hei Nanny ki āna mokopuna.