Study
Ako
News, Events & Key Dates
Kaupapa o te Wā
About Us
Mō Mātou
Whakatupu Mātauranga
Student Experience
Wheako Ākonga
Tāhuhu Mātauranga Māori
Master of Mātauranga Māori
Ko te tūmanako, kei te tohu mātauranga nei tētahi huarahi e āta tupu ai te mātauranga, te māramatanga hoki o te iwi Māori. Ehara i te mea kei konei ngā māramatanga katoa mō te kaupapa nei, heoi, he wāhi, he tāmata tēnei i whakatakotongia ai e Te Wānanga o Raukawa, e taea ai te whakawhitiwhiti whakaaro, te wānanga hoki i ngā take nui o te mātauranga.
Ngā Tikanga o te Uru:
Kia 20 tau neke atu te pakeke o te kaitono. Mā te whakaae ka uru ai te tangata ki tēnei tohu. Nō reira, ki te hiahia koe kia uru koe ki tēnei tohu, ka tonoa koe he tono whakauru, rua mano kupu te roa o taua tuhinga. Kei te puka tono kitea ai te roanga ake o ngā whakamāramatanga. E rua tau te roa o tēnei tohu paerua.
Tāhuhu Mātauranga Māori
Master of Mātauranga Māori
Ko te tūmanako, kei te tohu mātauranga nei tētahi huarahi e āta tupu ai te mātauranga, te māramatanga hoki o te iwi Māori. Ehara i te mea kei konei ngā māramatanga katoa mō te kaupapa nei, heoi, he wāhi, he tāmata tēnei i whakatakotongia ai e Te Wānanga o Raukawa, e taea ai te whakawhitiwhiti whakaaro, te wānanga hoki i ngā take nui o te mātauranga.
Ngā Tikanga o te Uru:
Kia 20 tau neke atu te pakeke o te kaitono. Mā te whakaae ka uru ai te tangata ki tēnei tohu. Nō reira, ki te hiahia koe kia uru koe ki tēnei tohu, ka tonoa koe he tono whakauru, rua mano kupu te roa o taua tuhinga. Kei te puka tono kitea ai te roanga ake o ngā whakamāramatanga. E rua tau te roa o tēnei tohu paerua.
What You'll Learn
Course Structure
Minimum age of 20 years. Candidates must be able to show that they have the te reo Māori capacity, research skills and study discipline to successfully undertake postgraduate study in an immersion environment as this course is delivered in te reo M āori. Regular internet access, email address and computer, laptop, tablet or other suitable mobile device is required.
Year one
Course of Study
TMM401 - Mātauranga
Ka taea e te ākonga te kōrero mō te takenga mai o te mātauranga Māori, te wānanga i ngā ritenga me ngā rerekētanga i waenganui i te mātauranga Māori me te mātauranga Pākehā kātahi, ko te wānanga me te tuhituhi ki te reo Māori ētehi whakapae mō te āhua, mō ngā āhuatanga rānei o te mātauranga Māori.
Credits:
15
Pre-requisite:
PMM, tētehi atu tohu rānei mā te Kaihautū e whakaae
TMM402 - Te Ao Mārama
Ko te whakatinanatanga o Te Ao Mārama i waenga i ngā mahi a te iwi, te tino kaupapa o tēnei wānanga.
Credits:
10
Pre-requisite:
PMM, tētehi atu tohu rānei mā te Kaihautū e whakaae
TMM403 - Te Rākau
Kei tēnei wānanga ka tirohia, ka wānangatia hoki te rākau hei tohu i te ora o te tangata. Otirā, ka tirohia ngā momo whakairotanga i te rākau e mōhiotia nei ko te waka me te whare; ka tirohia anō ki ngā rākau o te riri, arā, ngā rākau a Tūmatauenga me ngā rongoā a te rākau.
Credits:
10
Pre-requisite:
PMM, tētehi atu tohu rānei mā te Kaihautū e whakaae
TMM404 - Pūrākau
Ko te whāinga o tēnei akoranga ko te whakauru, ko te ruku rānei ki nga wāhanga o ngā kōrero whakamārama a te Māori, arā, āna pūrākau; te wāhi o te kawa ki te pūrākau, te wāhi o te pūrākau ki te kawa, hei tirohanga ki te ao me te hiranga, te tākoha hoki o ēnei kōrero hei kaitiaki, kia pono, kia tika te ahurea o te whānau, te hapū me te iwi.
Ko te pūrākau tētehi taonga nui o roto i te mātauranga ā, kei reira te hōhonutanga atu o tā te Māori wānanga i ngā āhuatanga o te Ao. I tēnei hui ka tirohia ēnei pātai, me pēwhea te wānanga i te pūrākau? He aha te rerekētanga o te pūrākau i te pakiwaitara, i te kōrero parau, aha atu, aha atu?
Ko tētehi whāinga nui hoki o tēnei hui, ko te wānanga tonu i te pūrākau hei momo mātauranga. He aha tātou e ngākaunui nei ki te pūrākau? Mehemea he kaupapa nui, whai take, e takoto ana i ngā pūrākau me pēwhea aua kaupapa e kitea ai?
Ko tētehi kaupapa nui o tēnei wānanga ko te wāhi o te kawa ki te pūrākau, ko te wāhi hoki o te pūrākau ki te kawa. Arā, ki te kore tētehi, ka kore tētehi.
Credits:
15
Pre-requisite:
PMM, tētehi atu tohu rānei mā te Kaihautū e whakaae
TMM405 - Ngā Kete O Te Wānanga
Ko te whāinga o tēnei wānanga ko te tūhura i nga tuhinga a ngā mātanga e pā ana ki te takahanga a Tāne rānei, a Tāwhaki rānei i ngā rangi tūhāhā ki te tiki i ngā kete o te wānanga, o te mātauranga hei mea whāngai i te ao.
Kia wānangatia e ngā ākonga ngā take nei:
1. te tohu i a Tāne māna hei piki
2. te tikanga o te ara, o te pikinga, o te huarahi i haere ai a Tāne
3. te wāhi e mōhiotia nei ko Rangiātea
4. te tikanga o ngā kete
Credits:
15
Pre-requisite:
PMM, tētehi atu tohu rānei mā te Kaihautū e whakaae
TMM406 - Mana
Ko te whāinga o tēnei wānanga ariā ‘mana’ me ōna āhuatanga maha, te rerekē te ōritenga rānei o te mana ki ētehi ariā a te Pākehā pērā i te ‘prestige, dignity, authority’ me ētehi atu mai i ngā motu of Te Moananui a Kiwa.
Ko te mana tētehi kupu e rangona whānuitia ana i te iwi Māori me te āhua nei e mate kai ana ki tērā taonga. Kei ngā wāhi katoa te mana e whakaarotia ana, ahakoa mana atua, ahakoa mana tupuna, ahakoa mana whenua rānei. Heoi anō, ki te tirohia e tātou ngā momo pūrākau me ngā momo kōrero o mua, kāore kau he whakamārama, he wāhi rānei kei reira te mana e āta kōrerotia ana.
Ka nui hoki ngā kōrerotanga o tēnei kupu nei o te mana, heoi, ko te whakatinanatanga pea o te mana tā tātou e kōrero nei, inā, te kupu 'kei a ia te mana…'. Otirā, ki te tahuri tātou ki te rapu he aha ake tēnei taonga e kīia nei ko te mana, ngaro ake kau te whakamārama. Tuarua, he tere tonu tātou ki te tiki i ngā kupu Pākehā pērā i te 'power' hei kawe i tā tātou whaakaaro mō te mana.
Kāti, kei ngā pūrākau anō hoki ōna tohu mō te mana, inā, te kupu whakataukī, 'Te Ahi-a-Mahuika'. Arā, kei te ahi te tohu nui o te mana. Hei tauira, he tohu te ahi-kā nō te mana whenua. Nō reira, mā te āta tirotiro i ngā wāhi kei reira te ahi e kōrerotia ana, kei reira ngā kōrero me ngā tohu o te mana.
Credits:
15
Pre-requisite:
PMM, tētehi atu tohu rānei mā te Kaihautū e whakaae
TMM407 - Te Whakapae, Ōna Tikanga
Ko te whāinga nui o tēnei wānanga, he rangahau, he tuhituhi hoki i tētehi kaupapa rangahau (thesis statement) ka tuhia ki tētehi tuhinga roa. Nō reira, kei tēnei wānanga, ka kōrerotia ki ngā hui katoa, ngā kaupapa rangahau e whāia ana.
Credits:
15
Pre-requisite:
PMM, tētehi atu tohu rānei mā te Kaihautū e whakaae
TMM408 - Te Hanga Whare Kōrero
Ko te whāinga nui o tēnei wānanga, he tirohanga, he whakamātautau hoki i ngā kupu kua tuhia e te ākonga e pā ana ki te whakatakinga kōrero, te kaupapa whakapae, te whakatakotoranga o ngā ūpoko me te kaupapa o ia ūpoko, o ia ūpoko, kātahi ko te rārangi o ngā rauemi me ētehi whakamārama poto noa iho mō ia rauemi, mō ia rauemi arā, he tuhinga rautaki arahi i te ākonga kia pūmau tōna mārama e anga whakamua.
Credits:
15
Pre-requisite:
PMM, tētehi atu tohu rānei mā te Kaihautū e whakaae
TMM409 - Te Ūpoko 1
Ko te whāinga nui o tēnei wānanga, kia whakahoki kōrero tā te kaiwhakawā mō te āhua o te ūpoko tuatahi nā te ākonga i tuku. Nā ēnei whakahokinga kōrero ka mōhio te ākonga kei whea ngā hapa, ngā ngoikoretanga rānei o tana ūpoko me te hononga o ngā kōrero o te ūpoko ki te kaupapa whakapae me te ūpoko tuarua kei te whai atu.
Credits:
15
Pre-requisite:
PMM, tētehi atu tohu rānei mā te Kaihautū e whakaae
Iwi and Hapū
Te Reo Māori
Year Two
Course of Study
TMM501 - Tuhinga Whakapae
Ko te whāinga nui o tēnei wānanga, kia whakahoki kōrero tā te kaiwhakawā mō te āhua o te ūpoko tuatahi nā te ākonga i tuku. Nā ēnei whakahokinga kōrero ka mōhio te ākonga kei whea ngā hapa, ngā ngoikoretanga rānei o tana ūpoko me te hononga o ngā kōrero o te ūpoko ki te kaupapa whakapae me te ūpoko tuarua kei te whai atu.
Credits:
120
Pre-requisite:
TMM tau tuatahi
Iwi and Hapū
Te Reo Māori
Year Three
Course of Study
Iwi and Hapū
Te Reo Māori
How You'll Learn
Ngā Hui ā-Noho Ka haere koe ki ngā hui ā-noho ki Te Wānanga o Raukawa i Ōtaki — he wānanga ā-reo, ā-mātauranga, ā-tikanga i roto i te reo Māori katoa.
Ako Motuhake He rangahau takitahi, he tuhituhi, he arotahi ā-kaiako i ia wiki, i ia wiki — hei tautoko i tōu haerenga mātauranga.
Tuhinga Whakapae — Tau 2 Ko Tau 2 he tuhinga whakapae katoa — he rangahau hou e ōu ake, he koha mātauranga ki tōu iwi, tōu hapū, me te ao whānui.
Online Seminars (Noho) Engage in online webinars and tutorials with opportunities for discussion and wananga learning.
Please contact Te Whare Kōkiri for more information.
Is This Course Right For You?
Ko tā mātou whakatau, tukuna atu te mātauranga i poipoia e ngā tūpuna hei tūrangawaewae, hei whare e taea ai te whakawhānau mārire i te mātauranga hou. Nō reira, koirā te whakaaro nui i te tohu mātauranga nei, arā, tukuna te mātauranga o mua kia moea ngā āhuatanga o ēnei rā kia tupu tonu ai te mātauranga. Kaua e waiho kia memeha, kia kōhatu, kia ngaro noa iho, engari, whakatupungia te rākau nei kia ora tonu ai. Tuatahi, e puare ana tēnei taumata hei whai mā te tangata e mōhio ana ki te kōrero i te reo Māori. Heoi, kia ātaahua tonu tāna kōrero i te reo Māori. I pēnei ai te tikanga nā te mea ko te reo Māori te reo kōrero o ngā wānanga, koia hoki te reo tuhituhi o tēnei tohu mātauranga. Me mōhio hoki te tangata ki ngā tikanga o te tuhituhi me te kōrero i te reo Māori. Tuarua, me kaingākau hoki te tangata ki te ako i ngā āhuatanga o te mātauranga. Me ihi, me wehi, me ohooho te ngākau ki te whai i te mātauranga, e kore hoki e taea mā te ngoikore, mā te māngere. Tōna whakataukī e mea ana, ‘Ko te hīringa i kake ai a Tāne ki Te Toi-o-ngā-rangi, ko te hīringa i te mahara.’ Tuatoru, me āta wātea anō hoki te tangata i ōna mahi. Nō te mea, ka nui ngā haora ka whakapaungia ki te kaupapa nei, kia taea anō e te tangata te haere ki ngā hui, te tuhituhi hoki i ngā tuhinga. Tuawhā, me mōhio anō te tangata ki tōna iwi, ki tōna hapū, ki tōna whānau. Tuarima, kia mau noa i te tauira tētahi tohu mātauranga e whai pānga ana ki te mātauranga e tirohia ana i tēnei tohu. Ehara i te mea mā te whiwhi tohu e whakaaetia noatia ai te tauira kia uru mai. Mā te whakaae rawa a te Kaiwhakahaere. He Kupu mō te hunga kāore anō kia whiwhi i te tohu mātauranga Mehemea kāore nei ō tohu mātauranga i whakawhiwhia e ngā whare wānanga Māori rānei, Pākehā rānei, ka taea tonutia te tono kia uru mai mehemea kei a koe tonu te reo Māori, e mātau ana hoki koe ki te tuhituhi i te reo Māori, e hikohiko ana tō ngākau kia tupu tonu tō mōhio ki ngā āhuatanga o te wānanga me te rangahau. Mehemea e pērā ana koe, tuhia mai anō he karere, ā, me whai tonu i ngā tikanga i runga nei, ka whakatakotongia ai tō tono kia uru mai. Heoi, kei te Kaiwhakahaere tonu te kupu whakamutunga mō te urunga mai.
Te Reo and Iwi and Hapū Studies
"I te tīmatanga, i te whakaaro au, he kaiako tōku, heio anō, ehara ia i te kaiako, he kaiārahi kē. Ko koe anō te kaiako."
Sean Te Haate
Ngāti Paia
Ākonga, Tāhuhu Mātauranga Māori
"Whāia i tō tapu, whāia i tō mana, whāia i tō mauri, kia noho mauri tau ai koe i roto i tēnei ao hurihuri."
Manawanui Mihaere
Te Tairāwhiti whānui, Te Arawa, Pare Hauraki, Ngāti Pāoa
Ākonga, Tāhuhu Mātauranga Māori
"I te tīmatanga, i te whakaaro au, he kaiako tōku, heio anō, ehara ia i te kaiako, he kaiārahi kē. Ko koe anō te kaiako."
Sean Te Haate
Ngāti Paia
Ākonga, Tāhuhu Mātauranga Māori
"Whāia i tō tapu, whāia i tō mana, whāia i tō mauri, kia noho mauri tau ai koe i roto i tēnei ao hurihuri."
Manawanui Mihaere
Te Tairāwhiti whānui, Te Arawa, Pare Hauraki, Ngāti Pāoa
Ākonga, Tāhuhu Mātauranga Māori
Fees & Funding
Year
Year 1
Year 2
Year 3
Total (2 Years)
Tuition (Approx)
$4,190.60 (approx.)
$4,067.10 (approx.)
$8,257.70
Fees are approximate and may be subject to change. Additional costs may apply for course materials and travel to noho.
Scholarships
Support is available through scholarships to make study more accessible. Find out more.
Additional Funding Options
You may be able to access student loans, allowances, or Fees Free to support your studies. Learn more.
Entry Requirements
Minimum age of 20 years. Candidates must be able to show that they have the te reo Māori capacity, research skills and study discipline to successfully undertake postgraduate study in an immersion environment as this course is delivered in te reo Māori. Regular internet access, email address and computer, laptop, tablet or other suitable mobile device is required.
Academic Requirements
Personal Requirements
A strong commitment to developing te reo Māori me ōna tikanga
Ability to attend residential noho at Te Wānanga o Raukawa, Ōtaki
Technology Requirements
-
Regular internet access
-
Email address
-
Computer, laptop, tablet, or suitable mobile device for online learning via Mūrau
Full Requirements
-
For complete entry requirement details, see Appendix One of the Academic Regulations.
Where This Qualification Takes You
Completing this qualification can lead to a variety of career opportunities, including:
Kairangahau
Kaitohutohu - tikanga me te reo Māori
Kaitohutohu tikanga ā-iwi
Kaiwhakaako - kura tuarua, whare wānanga
Kaiwhakahaere ki ngā rōpū tuku iho
Kaiwhakapāoho
Reo revitalisation
Explore Related Courses
Explore Related Courses
Heke Te Rangakura Kaiwhakaako
Diploma in Teaching (Bilingual)
Duration: 1 Year
Level: NZQA Level 5
Poutāhū Whakaakoranga Akorau
Postgraduate Diploma in Blended teaching and learning
Duration: 1 Year
Level: NZQA Level 8
Tāhuhu Whakaakoranga
Master or Education (Māori Medium)
Duration: 1 Year
Level: NZQA Level 9